КМШнын жогорку мамлекеттик аудит органдарынын жетекчилер Кеңешинин онлайн семинары болуп өттү
Бүгүн, 2024-жылдын 24-январында, Көз карандысыз Мамлекеттер Шериктештигине (КМШ) мүчө мамлекеттердин жогорку аудит органдарынын жетекчилеринин (финансылык көзөмөл) Кеңешинин иш-чараларынын алкагында, онлайн семинар өткөрүлдү. Иш-чара тажрыйба алмашууга жана коррупцияга каршы күрөштүн негизги маселелерин талкуулоого арналды.
Семинардын темасы “Коррупцияга каршы чараларды жакшыртуу аркылуу ак ниеттүүлүк чөйрөсүн өнүктүрүүдө жогорку аудит органдарынын ролу” деп аталат.
Семинарда Россия Федерациясынын Эсептөө палатасынын аудитору Светлана Юрьевна Орлованын баяндамасы болду. Анын сөзү жогорку аудит органдарынын контекстинде коррупцияга каршы күрөшүү маселелери боюнча баяндаманы жана бет ачарды камтыды.
Жолугушууда каралган негизги темалар:
• АЖОнун коррупцияга каршы иш-аракеттери: прогрессивдүү механизмдер жана аспаптар (аудитордук текшерүү, коррупциялык көрүнүштөрдү аныктаган методологияны өнүктүрүү, сунуштар, алдын ала көрүлүүчү чаралар);
• санариптик технологияларды өнүктүрүү жана аларды АЖОнун коррупцияга каршы иш-аракеттерине киргизүү;
• контролдук жана эксперттик-аналитикалык иш-чаралардын жүрүшүндө коррупциялык тобокелдиктерди аныктоо жана баалоо боюнча Россия Федерациясынын Эсептөө палатасынын методикалык сунуштарынын негизги жоболору.
Семинардын катышуучулары коррупцияга каршы күрөшүүдө жогорку аудит органдарынын кызматташтыгынын маанилүүлүгүн жана финансылык көзөмөлдүн натыйжалуулугун, айкындуулугун жогорулатуу үчүн алдыңкы тажрыйбаларды алмашуунун маанисин баса белгилеп, кызуу талкуу үчүн ыраазычылык билдиришти.
