Эсептөө палатасы Билим берүү жана илим министрлигиндеги 2023-жылдагы бюджеттин аткарылышы боюнча аудиттин жыйынтыктарын жарыялады

Кыргыз Республикасынын Эсептөө палатасы 2023-жылга карата Кыргыз Республикасынын Билим берүү жана илим министрлигинде жана анын ведомстволук уюмдарында бюджеттин аткарылышына жүргүзүлгөн шайкештик аудиттин жыйынтыктарын жарыялады.

Аудиттин жүрүшүндө министрликтин жана анын ведомстволук уюмдарынын финансылык ишмердүүлүгү, бюджеттин түзүлүшү жана аткарылышы талданып, төмөнкүдөй негизги көрсөткүчтөр белгиленди:

• Билим берүү тармагында Кыргыз Республикасында 89 жогорку билим берүү мекемеси бар (33 мамлекеттик, 56 жеке менчик), аларда 222 699 студент билим алат;
• Орто кесиптик окуу жайларында 100 728 студент, кесиптик лицейлерде 31 455 студент билим алат;
• 2070 мектеп каржыланып, 1 263 191 окуучу билим алат, 94 683 мугалим эмгектенет.

2023-жылы министрликтин бюджети өзгөртүүлөр менен 67 724 502,3 миң сомду түзгөн, анын ичинен кассалык чыгымдар 61 821 556,0 миң сомду түздү.

Аудиттин натыйжасында жалпы бузуулар 723 554,6 миң сомду түзгөнү аныкталып, анын ичинен 289 658,7 миң сом калыбына келтирүүгө тийиш, 214 722,5 миң сом аудит учурунда калыбына келтирилген, ал 74,13% түзөт.

Аудиттин жүрүшүндө төмөнкү карыжылк бузуулар белгиленди:

• Бюджеттин аткарылышындагы кемчиликтер — 346 380,1 миң сом;
• Бюджет долбоорун түзүүдө жана кароодо бузуулар — 26 039,2 миң сом;
• Мүлктү пайдаланууда мыйзам бузуулар — 35 439,7 миң сом;
• Бухгалтердик эсеп жана отчеттук документтердеги бузуулар — 314 465,5 миң сом;
• Товарларды, жумуштарды жана кызмат көрсөтүүлөрдү сатып алуудагы бузуулар — 1 230,1 миң сом.

Жалал-Абад мамлекеттик университетиндеги аудиттин алдын ала жыйынтыктары Улуттук коопсуздук мамлекеттик комитетине, Талас шаарынын жана Таплас районунун билим берүү бөлүмдөрүндөгү аудиттер Талас облусунун прокуратурасына жөнөтүлгөн. Мындан тышкары, Башкы прокуратурага ижара жана эмгек акы боюнча аныкталган каржы бузуулар тууралуу маалымат жөнөтүү сунушталды.

Эсептөө палатасы мамлекеттик каражаттардын мыйзамдуу, натыйжалуу жана ачык-айкын колдонулушун камсыз кылууга багытталган көзөмөлүн улантууда.

Эсептөө палатасынын Кеңешинин отурумунда ант берүү жана билим берүү тармагындагы аудиттин жыйынтыктары талкууланды     

Алмазбек Акматов кыргызстандыктарды эгемендүүлүк күнү менен куттуктады

Эсептөө палатасынын аппаратынын жетекчиси Болотбек Элебесов менен Польша Республикасынын Жогорку контролдоо палатасынын Вице-президенти Пётр Миклис мырзанын эки тараптуу жолугушуусу болуп өттү