Эсептөө палатасынын жамааты улуттук ишембиликке активдүү катышты

2025-жылдын 19-апрелинде Кыргыз Республикасынын Эсептөө палатасынын кызматкерлери өлкө боюнча жарыяланган улуттук ишембилик акциясынын алкагында тазалык иш-чарасын өткөрүштү.

Ишембилик Чүй облусундагы Байтик айылынан Кашка-Суу айылына карай кетчү жолдун боюнда уюштурулду. Бул жол тоо этектериндеги популярдуу эс алуу жайларына алып барат жана ички туризм үчүн маанилүү маршруттардын бири болуп саналат. Жаратылышты таза кармоо – ар бир жарандын милдети. Бул багытта Эсептөө палатасынын жамааты өз үлүшүн кошуп, коомго үлгү көрсөтүүнү максат кылып, ага баары жигердүү катышты.

«Биз жашаган жаратылыш – бул биздин жалпы байлыгыбыз. Аны таза сактоо, айлана-чөйрөгө кам көрүү – ар бир жарандын, ар бир мекеменин жоопкерчилиги. Булгабайлы, жаратылышты таза сактайлы! Бул сыяктуу ишембиликтер – бул жөн гана тазалык эмес, бул – жарандык биримдиктин, коомго кайдыгер карабагандыкты билдирген иш-аракеттердин бир түрү. Бул иш-чарага ынтызардык менен катышып коюңуздар. Анткени таза чөйрө – ден соолук, жашоо сапаты жана келечек муундар үчүн кам көрүү дегенди билдирет. Тазалык иштерине коомдун бардык катмары активдүү катышуусу керек. Ар бирибиз ушул багытта үлгү болушубуз зарыл», — деп кайрылды ал жамааттын мүчөлөрүнө.

Ишембилик жаратылышка карата камкор мамилени жайылтуу, экологиялык маданиятты көтөрүү жана коомдук турмушта активдүү болуу максатын көздөдү. Ошондой эле, иш-чара корпоративдик биримдикти бекемдеп, кызматкерлер ортосундагы формалдуу эмес, достук мамилелерди чыңдоого өбөлгө түздү.

Эсептөө палатасы жарандык демилгелерди мындан ары да колдой бермекчи жана бардык мекемелерди таза жана кооз Кыргызстанды бирге түзүүгө чакырат.

Кенен маалымат...

Кенен маалымат...

Кенен маалымат...

Кенен маалымат...

5-апрелде Кыргыз Республикасынын Эсептөө палатасынын Борбордук аппараты Бишкек шаарындагы Максим Горький атындагы паркта өткөрүлгөн жазгы алгачкы ишембилик менен 2025-жылдын жаңы сезонун ачты.

Абанын жылышы жана табигаттын жанданышы менен шаарды көрктөндүрүү боюнча демилгелерди Эсептөө палатасынын кызматкерлери салттуу түрдө колдошту . Бул ишембилик – тартип менен тазалыкка кошкон салым эле эмес, коомдук пайдалуу иштердин жаңы мезгили. 

Горький атындагы парк - бул шаар тургундарынын сүйүктүү эс алуу жайларынын бири жана ошол эле учурда жамаат тарабынан өткөрүлүп жаткан экологиялык акциялардын туруктуу аянтчасы. Бул жерде кызматкерлер кыштан кийин шаардык кызматтарга жардам берүү үчүн жыл сайын чогулат.

Ишембиликтин жүрүшүндө газондор куураган жана түшкөн жалбырактардан тазаланып, аллеялар жана жолдор ирээтке келтирилди, ошондой эле арыктар таштандылардан тазаланды. Өзгөчө көңүл Исанов жана Рыскулов көчөлөрүнүн кесилишиндеги скверге бурулду. Эсептөө палатасынын жамааты бул иш-чара аркылуу таза жана жашоого ыңгайлуу шаар чөйрөсүн түзүү — ар бир жарандын милдети экенин дагы бир жолу эске салат. Жеке үлгү көрсөтүү менен гана коомдо экологиялык маданиятты калыптандырууга болот.

"Жазды пайдалуу жана ынтымактуу иш менен баштоо маанилүү деп эсептейбиз. Биринчи ишембилик — бул жөн гана тазалоо эмес, бул бүтүндөй ынтымак жана жоопкерчилик сезонуна болгон маанай. Мындай иш-чаралар жамаатты бекемдейт жана жалпы эмгекти маңыздуу кылат", — деп комментарий берди Эсептөө палатасынын аппарат жетекчиси Болот Элебесов.

Кыргыз Республикасынын Эсептөө палатасы экологиялык жоопкерчилик жана активдүү жарандык принциптерин дайым колдойт. Ошондой эле Бишкектин бардык тургундарынын жана конокторунун эсине сала кетмекчи: тазалык өзүбүздөн башталат. Мындай демилгелерге катышуу шаарга да, өзүбүзгө да сезилерлик пайда алып келет.

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

Кенен маалымат...

2025-жылдын 14-мартында КР Эсептөө палатасынын жыйыны болуп өттү. Жыйында өлкөнүн туруктуу өнүгүүсүнө жана мамлекеттик башкаруу системасын жакшыртууга багытталган маанилүү маселелер каралды.

“Улуттук дем – дүйнөлүк бийиктик” уңгужолу:
Жыйындын жүрүшүндө Кыргыз Республикасынын Президентинин 2024-жылдын 18-декабрындагы ПЖ №369 “Улуттук дем – дүйнөлүк бийиктик” уңгужолу жөнүндө Жарлыгынын негизги багыттары талкууланды. Бул доктрина улуттук баалуулуктарды сактоо менен бирге, мамлекеттин өнүгүү стратегиясын бекемдөөгө жана коомдук биримдикти чыңдоого багытталган. Анын алкагында жарандык жоопкерчиликке, мамлекеттик түзүмдөрдүн ачык-айкын иш алып барышына жана улуттук демди көтөрүүгө басым жасоо сунушталды.

2024-жылдагы ишмердүүлүктүн жыйынтыгы жана аудиттин сапатын жогорулатуу:
Эсептөө палатасынын 2024-жылдагы ишмердүүлүгү боюнча Парламентке даярдалып жаткан отчет боюнча маалымат угулуп, аткарылган иштер талданды. Аудиттин натыйжалуулугун арттыруу максатында иштин ачыктыгын камсыз кылуу, маалыматтарды талдоо ыкмаларын өркүндөтүү жана заманбап технологияларды колдонуу маселелери каралды. Жыйындын катышуучулары мамлекеттик каражаттарды пайдаланууну көзөмөлдөө процессин күчөтүү, аудиттин сапатын жакшыртуу жана коррупциялык тобокелдиктерди азайтуу үчүн аракеттерди күчөтүүнүн маанилүүлүгүн белгилешти.

Жумуш тартибин чыңдоо жана кызматкерлердин ишинин натыйжалуулугун жогорулатуу:
Эсептөө палатасынын түзүмүн оптималдаштыруу, кызматтык милдеттерди так бөлүштүрүү жана жумуштун натыйжалуулугун арттыруу боюнча сунуштар айтылды. Жумуш процессин эффективдүү уюштуруу максатында ички регламенттерди жаңылоо, кызматкерлердин иш жүктөмүн туура бөлүштүрүү жана кесиптик өнүгүү үчүн кошумча окуу программаларын киргизүү пландаштырылды.

Жамааттык келишимдин долбоору жана эмгек шарттарын жакшыртуу:
Жамааттык келишимдин долбоору каралып, анын алкагында кызматкерлердин социалдык кепилдиктерин күчөтүү, эмгек шарттарын жакшыртуу жана иштөө процессин оптималдаштыруу чаралары талкууланды. 

КР Эсептөө палатасынын төрагасы Алмазбек Акматов өз сөзүндө бул жыйындын маанисин белгилеп өттү:
“Бүгүн биз бир гана өткөн жылдагы иштерди талдап тим болбостон, келечекке багыт алган маанилүү кадамдарды аныктадык. "Улуттук дем – дүйнөлүк бийиктик" уңгужолу бизге улуттук баалуулуктарды бекемдөө менен катар мамлекеттик башкаруу системасын жакшыртуу үчүн чоң мүмкүнчүлүктөрдү ачууда. Эсептөө палатасынын алдында турган эң негизги милдет — иштин сапатын жогорулатуу, аудит процессин заманбап деңгээлге чыгарып, коомчулукка ачык-айкын маалымат берүү. Ар бир кызматкердин жоопкерчилигин жана кесиптик деңгээлин жогорулатуу менен гана биз коңулга алган максаттарыбызга жетише алабыз. Алдыда чоң иштер күтүп турат, аларды бирге аткарабыз деп ишенем.”

Кенен маалымат...